මාගේ 29 හැවිරිදි පුතා අවිවාහකය. අප ඔහුට යෝජනා කළ ගැහැණු ළමයා සමග විවාහය ස්ථිර බව දැන ඔහු ඇයට පවසා තිබෙනවා තමා පිරිමි අය සමග ලිංගික සබදතා පවත්වන බව.මේ විස්තරය මාගේ වැඩිමහල් දියණියට ද ඔහු පවසා ඇත.අප ඉදිරිපත් කරන විවාහ යෝජනාවලට ඔහු අකැමැති වෙනවා.මාගේ පුතා මේ උවදුරෙන් බේරාගන්නේ කෙසේද?
ඔබේ පුතා පූර්ණකාලීන සමලිංගිකයකු බව ඔහු පැහැදිලිවම පවසා ඇත.මෙය Full Time Adult Male Homosexual ලෙස ඉංග්‍රිසියට පරිවර්තනය කළ හැකිය.සිරි ලංකාව ඇතුළු මෙලොව සෑම රටකම සෑම ජාතියකම සෑම ආගමකම වැඩිහිටි පිරිමින්ගෙන් 6%-8% පමණ සමලිංගික පුරුෂයෝ වෙති.තවත් සමහර පිරිමි අර්ධකාලීන සමලිංගිකයෝ වෙති.සමලිංගිකත්වය මානසික රෝගයක් හෝ ලිංගික දුරාචාරයක් හෝ නොවේ.බටහිර වෛද්‍ය කමයේ නූතන පොදු සම්මුතිය සමලිංගිකත්වය මානව ලිංගිකත්වයේ එක් විකල්පයක් හෙවත් මනාපයක් බවය.ඔබේ පුතාට විවාහවීමට බලකිරීමෙන් වන්නේ ඔහුගේ ඒ අහිංසක මනාපය හතර වටේම පසිද්ධවීම නොවේද? ඔහු විවාහ වුණොත් ඒ විවාහය බිදවැටි පවුල් දෙකම සතුරන් වියහැකිය.ඇමෙරිකා එක්සත් ජනපදයේ ශේෂ්ඨාධිකරණය මෑතදී සමලිංගිකයන් දෙදෙනෙකු අතර විවාහය නීත්‍යානුකූල බව තීරණය කර ඇත.බොහෝ විදෙස් රටවලද එසේමය .උවදුර පුතා නොව මවය.ගැටලු දෙක නම් නොදැනීම සහ යථාර්ථය පිළිගැනීමට නොහැකි වීමය.
මහාචාර්ය කොල්වින් ගුණරත්න මහතා
(උපුටා ගැනීම - 2015.07.20 ලංකාදීප පත්තරයේ මහාචාර්ය කොල්වින් ගුණරත්න මහතා පිළිතුරු සපයන සුව සෙවණ ලිපියෙනි)
ශ්‍රී ලංකාවේ වෛද්‍ය විද්‍යාව පිළිබඳ සම්මානිත මහාචාර් ය කොල්වින් ගුණරත්න මහතා සමරිසි බව ගැන දැක්වූ නිවැරදි වටිනා අදහසයි ඒ.
ලංකාවේ සියලුම වෛද්‍ය විද්‍යාත්මක උගතුන් මේ ගැන ඇත්ත දැන ගෙන සිටියත් සමාජයට ඇති බිය නිසා ඔවුන් කිසිවක් නොකියා නොයෙක් වැල් වටාරම් කියමින් සිටිති.අන්තිමට මේ ගැන කිසිම විද්‍යාත්මක දැනුමක් නොමැති මාධ්‍ය වේදීන් කියා ගන්නා පිරිස් මහා ප්‍රාඥයින් ලෙස තමන්ට හිතෙන දෙයක් හරි දේ විදියට සිංහල පත්තරවල පිටු පුරා ලියති.විසි එක්වෙනි සියවසේ විද්‍යාත්මක දැනුමත් ලාංකිකයන් ගේ උගත් කම ගැනත් පුරසාරම් කියමින් සිටිනා පොදු ජනතාව අදාළ ලිපි සත්‍ය ලෙසම පිළිගෙන මෙවන් ප්‍රශ්න අසති.එවන් පසුබිමක වෛද්‍ය විද්‍යාව පිළිබඳ ජේෂ්ඨ මහාචාර් ය කොල්වින් ගුණරත්න මහතාගේ නිවැරදි නිර්භය ඍජු අදහස් දැක්වීම ඉතාමත් වටී.
සමරිසි බව ගැන සම්පූර්ණ විද්‍යාත්මක තොරතුරු පහත ලිපි දෙකෙන් කියවන්න.
http://forbiddendtree.blogspot.com/2015/05/causes-for-homosexuality.html
http://forbiddendtree.blogspot.com/2015/05/can-homosexuality-be-changed.html
Nice blog to read. Wish you all the best and keep up the good work :-)
ReplyDelete